बाँके माघ २० गते ।
नेपालगञ्जको सुर्खेतरोडमा पार्किङ्ग गरिएको कार चोरीको प्रयास गर्ने दुई जनालाई प्रहरीले पक्राउ गरेको छ । नेपालगञ्ज उपमहानगरपालिका वडा नं.–१०, सुर्खेतरोडस्थित संचारकर्मी प्रज्वल कुमार श्रेष्ठको घर अगाडी पार्किङ्ग गरि राखिएको बा १३ च २६३३ नम्बरको कार चोरीको प्रयास गरेका दुई युवालाई पक्राउ गरेको हो । प्रहरीका अनुसार सोमबार बिहान तीन बजेको आसपासमा चोरी गर्ने प्रयास गरिएको थियो । संचारकर्मी श्रेष्ठले दाई राजेश श्रेष्ठ चढ्ने कार चोरीको प्रयास भएको बताउनुभयो । कारमा तोडफोड भएको उहाँले जानकारी दिनुभयो । जिल्ला प्रहरी कार्यालय बाँकेको टोलीले गस्तीका क्रममा चोरीको प्रयास गर्ने कोहलपुर १२ का बिशाल अधिकारी र अभिषेक केसीलाई पक्राउ गरेको जनाएको छ । दुव्र्यसनीमा लागेको जस्तो देखिने युवाहरु बन्द कारको दाहिनेतर्फको सिसा फुटाएर चोरी गर्न लागेका थिए । उनीहरुलाई जिल्ला प्रहरी कार्यालयमा राखिएको छ ।

Discussion about this post