खोजखबर संवाददाता असार ५ गते। नेपालगञ्ज उपमहानगरपालिका वडा–१८ का वडाध्यक्ष दीपक कुमार वर्माले एक महिनाको तलबभत्ता स्थानीय मन्दिरलाई सहयोग गरेको छन् । कारकादौंचोकमा रहेको राधाकृष्ण मन्दिरको लागि अध्यक्ष वर्माले एक महिनाको तलब २५ हजार ७४० रुपैयाको चेक विहिबार हस्तान्तरण गरेका हुन । बिहिबार वडा कार्यालयको आर्थिक सहयोग १ लाख १५ हजार र अन्य दाताको सहयोगमा १ लाख ३९ हजारमा शुद्ध खानेपानीको फिल्टरको वडा अध्यक्ष बर्माले पानी पिएर शुभारम्भ गरे । वडापालिकाको सहयोगमा पानी ट्याङ्की, फिल्टर र स्टेब्लाइजर खरिद गरिएको व्यवस्थापन समितिले खर्च सार्वजनिक गरेको थियो । सोही कार्यक्रममा पुगेका वडा अध्यक्ष बर्मालाई स्थानीयले मन्दिरको रंगरोगनका लागि माग गरेपछि तत्काल एक महिनाको तलब सहयोग गरेका हुन् । बर्माले आगामी दिनमा मन्दिरका लागि थप सहयोग गर्ने प्रतिवद्धता समेत जनाएका छन् । वडा अध्यक्ष वर्माले भौतिक निर्माणसँगै वडा भित्रका सबै धार्मिक र सांस्कृतिक सम्पदाको संरक्षणका लागि वडा कार्यालय सधै प्रयासरत रहँदै आएको बताए । वडा अध्यक्ष बर्माले वडाभित्र चालु आर्थिकवर्षमा संचालनमा आएका सबै विकासका योजनाहरुको काम असारभित्रै सम्पन्न हुने गरि अन्तिमचरणको काम भईरहेको बताए ।
Discussion about this post