विष्णु अधिकारी बर्दिया, फागुन २ गते । ललाई फकाई बिवाह गर्ने वहानामा भारत बेचबिखन गर्न लैजादै गर्दा २ जनालाई बर्दिया प्रहरीले पक्राउ गरेको छ । मधुवन नगरपालिका—३ नेपाल—भारत सीमामा पर्ने धनौरा नाकाबाट एक महिलालाई भारत तर्फ लैजादै गर्दाको अवस्थामा उनिहरुलाई पक्राउ गरिएको जिल्ला प्रहरी कार्यालय बर्दियाले जानकारी गराएको छ । मधुवन नगरपालिका–३, ओरालीबजार खाता घर भई हाल भारतको केदारनाथ तिरेगढुवाल बस्ने २१ बर्षिय राहुल बुढा क्षेत्री र सोहि नगरपालिका –३ बेपत्तपुर गाउँ बस्ने ६० बर्षिया सुलचना पाण्डेलाई पक्राउ गरिएको जिल्ला प्रहरी कार्यालय बर्दियाका प्रहरी उपरिक्षक राजेशनाथ वास्तोलाले जानकारी दिएका छन् । पक्राउ परेकाहरुलाई मानव बेचविखन तथा ओसारपसार पसार कसूरमा मुद्दा दर्ता गरी थप अनुसन्धान भईरहेको बर्दिया प्रहरीले जनाएको छ ।
ADVERTISEMENT
Discussion about this post