उदयपुर फागुन ७ गते । उदयपुरमा प्रहरीले लागूऔषध सहित तीन जनालाई पक्राउ गरेको छ ।
मंगलबार राति गाईघाटको छुट्टाछुट्टै स्थानबाट ब्राउन सुगरसहित एक जना र अन्य लागूऔषध सहित दुई जनालाई पक्राउ गरेको प्रहरी ले जनाएको हो ।
गाईघाट बजार स्थित पिपल चोक त्रियुगा नगरपालिका ११ संगम टोल बस्ने १८ वर्षिय राउत श्रेष्ठलाई ब्राउन सुगर सहित प्रहरीले पक्राउ गरेको छ ।
श्रेष्ठको साथबाट अन्दाजी २० ग्राम ब्राउन सुगर र मंगलबार राति त्रियुगा नगरपालिका ११ गाईघाट सिदार्थ टोलबाट २२ वर्षिय प्रशान्त राई र १८ वर्षिय रुपम लिम्बुको साथबाट फेनारगन १९ एम्पुल, डाईजेल्याप १७ एम्पुल, नोफिन १५ एम्पुल र लेबल बिनाको ३ एम्पुल गरी जम्मा ५४ एम्पुल लागूऔषध सहित पक्रउ गरेको जिल्ला प्रहरी कार्यालय उदयपुरका एसपी वीरबहादुर बुढामगरले बताउनुभयो ।
पक्राउ परेकालाई थप अनुसन्धानको लागि जिल्ला प्रहरी कार्यालय उदयपुरमा राखिएको एसपी बुढामगर ले जानकारी दिनुभयो ।
Discussion about this post