सरला सुबेदी कोहलपुर बाँके फागुन ७ गते ।
कोहलपुर नगरपालिकाले फुटबल प्रशिक्षण केन्द्र निर्माणका लागी अखिल नेपाल फुटबल संघ लाई २५ वर्षका लागी जग्गा लिजमा दिएको छ । कोहलपुर नगरपालिका वडा नम्बर २ १३ विगाहामा रहेको करिब पाँच विगाहा जग्गा आज एक कार्यक्रमका बिच हस्तान्तरण गरेको छ। कोहलपुर नगरपालिकाको तर्फ बाट नगर प्रमुख लुट बहादुर रावत र अखिल नेपाल फुटबल संघको तर्फ बाट संघका केन्द्रिय अध्यक्ष कर्मा छिरिड. शेर्पाले सम्झौता पत्रमा हस्ताक्षर गरेका हुन । सम्झौता भए सँगै कोहलपुर क्षेत्रको फुटबल खेलको विकास हुने विश्वास लिईएको छ । फुटबल प्रशिक्षण केन्द्र निर्माणका लागी अगामी डिसेम्बर सम्ममा पहिलो चरणको काम सक्नेगरी कार्य अगाडी बढाइने अखिल नेपाल फुटबल संघका केन्द्रिय अध्यक्ष कर्मा छिरिड. शेर्पाले बताए ।उनले फुटबल प्रशिक्षण केन्द्रको अभावले फुटबलको बिकास हुननसकेको कारण व्यवस्थित र सुबिधा सम्पन्न प्रशिक्षण केन्द्र बनाउने उनले बताए।
कोहलपुर नगरपालिकाका नगरप्रमुख लुट बहादुर रावतले कोहलपुरलाई खेलकुदको हब बनाउका लागि फुटबल केन्द्र स्थापना गर्न लागिएको जानकारी दिएका छन् । फुटबल प्रशिक्षण केन्द्रको स्थापना भएसँगै यस क्षेत्रका खेलाडिहरुले विश्वमा भईरहने फुटबल खेलहरुमा सहभागिता जनाउने विश्वास लिएको भन्दै नगरप्रमुख रावतले भने ‘प्रशिक्षण केन्द्रले यहाँका बालबालिकाहरु अन्तर्रा्ष्ट्रिय खेलाडिका रुपमा चिनाउने छ र खेलकुदजगतको ईतिहासमा कोहलपुरको नाम अग्रस्थानमा आउने छ साथै उनले संघलाई जग्गा विक्रि नगरेको र खेलाडि उत्पादनका लागि प्रशिक्षण केन्द्र स्थापना गर्न २५ वर्षका लागि भाडामा दिईएको बताएका छन् ।
Discussion about this post