बाँके कोहलपुर फागुन ८ गते ।
बालविवाह न्युनीकरणमा सकारात्मक पुरुषत्वको भुमिका विषयक २ दिने तालिम विहीबार कोहलपुरमा सम्पन्न भएको छ । स्याक नेपालको बाँकेको आयोजना प्लान ईन्टरनेशनलको सहयोग तथा कोहलपुर नगरपालिकाका समन्वयमा संचालन गरिएको सो तालिममा बोल्दै कोहलपुर नगरपालिका सामाजिक विकास समितिकी संयोजक नारायणी वलीले कोहलपुर नगरपालिकालाई बालविवाह न्युनीकरण अभियानमा स्याक नेपाल बाँकेले सहयोग पुर्यएको बताउदै कोहलपुर नगरपालिका लाई बालमैत्री शासनका रुपमा लैजान बजेट समेत विनियोजन गरिएको बताईन ।
त्यस्तै कोहलपुर नगरपलिका वडा नं १ का वडाध्यक्ष गोपी खनालले बाल विवाह न्युनीकरणका क्षेत्रमा सबै पक्ष लाग्नुपर्ने जोड दिए । त्यस्तै कोहलपुर नगरपालिका वडा नं १३ का वडासदस्य बलु घर्ति मगरले बालविवाह रोक्न घर परिवार र समाजमा सकारात्मक सन्देश तथा जनचेतना प्रवाह गर्न आवश्यक रहेको बताए । कार्यक्रममा बाल विवाहका असरहरु, बालविवाह घरेलु, लैगिङक हिंसा न्युनीकरण गर्नालाई पुरुषको भ्मिका विषयमा स्याक नेपालका अध्यक्ष शिवलाल पाण्डेले सहजीकरण गरेका थिए ।
कार्यक्रममा तालिममा कोहलपुर नगरपालिकाका जनप्रतिनिधि, कर्मचारी, , प्रहरी , बालक्लबका प्रतिनिधी गरी करिब २० जनाको सहभागीता रहेको स्याक नेपाल बाँकेकी फिल्ड सुपरभाईजर लसिना वलीले जानकारी दिईन ।
Discussion about this post