खड्क सुनार मुगु फागुन २० गते ।
मुगुमा भिर बाट लडेर एक मजदुरको मृत्यु भएको छ । जिल्लाको छाँयानाथ रारा नगरपालिका वडा नं १३ रुगा देखि सोही नगरपालिका —१४ चंखेली हुदै हुम्ला जोड्ने सडक खण्ड अन्तर्गत चंखेली सडक खण्डमा काम गर्ने एक मजदुर चामलको खोजीमा गएका बेला लडेर मृत्यु भएको छ । छाँयानाथ रारा नगरापालिका ३ का अन्दाजी ४२ बर्षिय जगतबहादुर रोकायाको मृत्यु भएको हो ।
ग्रामिण पहुच कार्यक्रम ¥याप थ्रि द्धारा निमार्ण भईरहेको छाँयानाथ रारा नगरापलिका —१३ रुगा देखि सोही नगरपालिका —१४ चंखेली हुदै हुम्ला जोड्ने सडक खण्ड अन्त्रर्गत चंखेली सडक खण्डमा परिवार सहित सडक निमार्णको काम गर्दै आएका थिए । आईतबार बेलुकि परिवारलाई पेट पाल्नको लागि चामल खोजीमा हिडेका रोकायाको भिरबाट लडेर मृत्यु जिल्ला प्रहरी कार्यालय मुगुले जनाएको छ ।
जिल्ला प्रहरी कार्यालय मुगुका अनुसार मृतक रोकाया परिवार सहित चंखेलीमा सडक निमार्णको काममा संलग्न रहेका थिए । आईतबार बेलुकि परिवारलाई खाने चामलको खोजीमा आधा घण्टा भन्दा तल रहेका पसलमा चामलको लिन आउदै गर्दा भिरबाट लेडर मृत्यु भएको जिल्ला प्रहरी कार्यालय मुगुका प्रहरी निरिक्षक भिमदत्त जोशीले जानकारी दिए । प्रहरी निरिक्षक जोशीका अनुसार सोमबार दिउसो १ बजे मात्र जानकारी भएपछी घटना स्थलतर्फ प्रहरी पठाईएको थियो । के कसरी मृत्यु भएको भन्ने बारे प्रहरी पुगि सकेपछी मात्र थप जानकारी हुने निरिक्षक जोशीले बताए ।
Discussion about this post