जाजरकोट फागुन २८ गते ।
बुधबार कुशे गाउँपालिकाको सातौं गाउँसभा तथा विधायक सभाको उद्घाटन सुरु भएको छ । गाउँपालिकाको सभाहल थर्पुभार्मामा बुधबार सातौं गाउँसभा तथा विधायक सभाको उद्घाटन भएको हो ।
सातौ गाउँसभा तथा विधायक सभा उद्घाटन समारोहमा बुद्धीजीवि प्रतिनीधि दिनेशकुमार सिंह, नेपाल उद्योग विकास महासंघ प्रतिनीधि उवीलाल घर्ती, जिल्ला समन्वय समिति सदस्य सरस्वती बिष्ट शाह, उपाध्यक्ष रामछाया शाही र वडा नम्बर १ देखि ९ सम्मका सबै वडा अध्यक्षहरुले गाउँसभा सफलताको शुभकामना मन्तव्य राखेका थिए ।
सातौं गाउँसभा तथा विधायक सभाको दोस्रो दिनको बैठकले शिक्षा ऐन–२०७५ लाई संशोधन गर्ने गाउँपालिकाका अध्यक्ष हरिचन्द्र बस्नेतले जानकारी दिएका छन् । बेरुजु फर्चौट कार्यविधि–२०७६, व्यवसाय दर्ता कार्यविधि–२०७६, बालबालिका सम्बन्धि बाल श्रम तथा बाल बिबाह न्युनिकरण सम्बधिका कार्यविधी–२०७६ लाई दफावार छलफल गरेर पास गरिने अध्यक्ष बस्नेतले बताए । गाउँपालिकाका बिद्यमान अन्य ऐन, कानुन तथा कार्यविधीहरु आबश्यकताका आधारमा संशोधन तथा परिमार्जन गरिने अध्यक्ष बस्नेतको भनाई रहेको छ ।
Discussion about this post