जयपति ढकाल फागुन २९ गते । मिस नेपाल २०२० को नेपालगञ्ज अडिसन भोली शुक्रबार नेपालगन्जमा हुने भएको छ । होटेल कलपत्रु लर्द्स इनमा हुने सो अडिसनका लागि विहीबार अभ्यास गराइएको छ ।
द हिडन टिजरले हरेक वर्ष मिस नेपाल गर्दै आएको छ । मिस नेपाल प्रतियोगितामा भाग लिन चाहनेले मिस नेपालको आधिकारिक वेबसाइट wwwmissnepal.com.np मा गएर आवेदन दर्ता गर्न सक्नेछन् । त्यसका लागि फाराम शूल्क नलाग्ने नेपालगञ्ज जेसिजका अध्यक्ष प्रज्वल श्रेष्ठले जानकारी दिनुभयो ।
अडिसन नेपालगञ्जसहित बुटवल, काठमाडौं सहित धनगढी, पोखरा, चितवन, वीरगञ्ज, विर्तामोड र धरानमा हुने द हिडन ट्रेजरका डाइरेक्टर प्रमोद कन्सकारले बताउनुभयो । मोफसलमा मिस नेपालको सहभागिता जनाएका र मापदण्ड पुगेकालाई काठमाडौं लगिने आयोजकको भनाइ छ ।मिस नेपालमा १९ वर्षदेखि २६ वर्ष उमेर समूहका युवतीहरुले सहभागिता जनाउन सक्ने कार्यक्रम संयोजक प्रकाश कुंवरले बताउनुभयो । आयोजकका अनुसार सन् २०२० मा मे १५ मा मिस नेपाल घोषणा गरिनेछ । मिस नेपालले २ लाख ५० हजार पाउने आयोजकले जनाएको छ ।
Discussion about this post