रौतहट चैत ३ गते । चाइनिज र घरेलु पेस्तोलसहित एक जनालाई सशस्त्र प्रहरीको गस्ती टोलीले पक्राउ गरेको छ । जिल्लाको फतुवा बेस क्याम्पबाट सशस्त्र प्रहरी निरीक्षक दिलबहादुर रायमाझीको नेतृत्वमा गएको टोलीले चेकजाँचको क्रममा हतियारसहित एक जनालाई पक्राउ गरेको हो ।
पक्राउ परेका रौतहट साबिक राजपुर तुलसी गाविस ९ हाल यमुनामाई गापा ३ राजपुर तुलसी ३ का ४९ वर्षीय शेख बैतुलाह रहेको सशस्त्र प्रहरी ११ नम्बर हेक्वा प्रमुख एसपी रविनराज कर्ण्जितले बताउनुभएको छ ।
बैतुलाहको साथबाट चाईनिज पेस्तोल १ थान, म्याग्जिन १ थान, ७.६५ एमएमको बौल राउन्ड २ थान, कटुवा पेस्तोल १ थान, मोबाइल २ थान, घडी १ थान, नगद ३,४८०, केहि बिदेशी र भारतीय रकम नागरिक्ता, लाईसेन्स र प्रयोग गरेको बिआर ०५ टि ८१३६ नम्बरको मोटरसाइकल सहित बरामद भएको एसपी कर्ण्जितले जानकारी दिनुभयो । आवश्यक कार्वाहीको लागि जिल्ला प्रहरी कार्यालय गौरमा बुझाइएको सशस्त्र प्रहरी रौतहटले जनाएको छ ।
Discussion about this post