बाँके चैत ४ गते । पछिल्ला केही दिन देखि अचाक्ली सवारी दुर्घटना हुन थालेपछि बाँके ट्राफिकले त्यसको न्यूनिकरणका लागि बाँकेमा पहिलो पटक लेन अनुशासन कार्यक्रम सुरु गरेको छ । लेन अनुशासन कार्यक्रममा सवारी चालकहरुलाई सडकमै बोलाएर लेन अनुशासन बारेमा जानकारी दिने गरिएको बाँके ट्राफिक प्रहरी प्रमुख पबिन्द्र बमले जानकारी दिनुभयो । एक हप्ता सम्म चालकहरुलाई लेन अनुशासनबारे सिकाइने छ । लेन अनुशासन सम्बन्धि जानकारी लिएका चालकहरुले त्यसको उल्लंघन गरेर कारवाही गर्ने बमले चेतावनी दिनुभयो । सुरुवाती दिनहरुमा यो नियम लागू गराउन गाह्रो भएता पनि चालकहरुलाई लेन सम्बन्धि राम्रो तरिकाले जानकारी दिएकाले सबैले यसको पालना गर्ने बिश्वास बमको छ ।
ADVERTISEMENT
Discussion about this post