बाँके कोहलपुर चैत्र ४ गते । बाँकेको कोहलपुरमा बसपार्कमा मंगलबार कोरोना भाईरस ९ कोभिड १९० विरुद्ध पूर्वतयारी अपनाउँदै सर्भिलेन्स तथा परामर्श केन्द्र हेल्पडेस्कको स्थापना गरिएको छ । कोहलपुर नगरपालिका स्वास्थ्य शाखाले बसपार्कमा हेल्प डेस्कको स्थापना गरेको हो ।हेल्पडेस्क स्थापना कार्यक्रममा बोल्दै जिल्ला जनस्वास्थ्य कार्यालय बाँकेका निम्ति कार्यालय प्रमुख अगंत बहादुर शाहीले बाँकेमा कोरोना भाईरस ९ कोभिड १९० विरुद्ध जमुनाह नाका, सुइया नाका रांझा विमानस्थल नेपालजग तथा ,कोहलपुर बसपार्कमा गरी ४ ठाँउमा हेल्पडेस्कको स्थापना गरिएको बताए ।
कार्यक्रममा बोल्दै कोहलपुर नगरपालिका प्रमुख लुट बहादुर रावतले विश्व महामारीको रुपमा देखिएको कोरोना भाईरस ९ कोभिड १९० बारे सर्तकता अपनाउन आग्रह गर्दै कोहलपुर बसपार्क मानिसहरुको आवतजावत गर्ने ट्रान्जिट प्वाइन्ट भएकाले हेल्पडेस्कको स्थापना गरिएको बताए । साथै उनले कुनैपनि शंकास्पद विरामी भेटिएमा हेल्पडेस्कका कर्मचारीलाई जानकारी दिन आग्रह गरे । कोहलपुर नगरपालिका स्वास्थ्य शाखा प्रमुख डिल्लीराज पोखरेलले दैनिक २ सिफ्टमा २÷२ जना कर्मचारी हेल्पडेस्कमा खटिने जानकारी दिए ।
Discussion about this post