बाँके चैत १३ गते । सरकारले कोराना भाइरस नियन्त्रणका लागि सुरु गरेको लकडाउन कार्यान्वयन गर्न असफल जस्तै बनेको बाँके प्रहरी प्रशासनले त्यसको रिस पत्रकारलाई फेर्न थालेको छ। बाँकेका प्रमुख जिल्ला अधिकारी कुमार बहादुर खड्का र बाँकेका एसपी वीरबहादुर ओलीले लकडाउन कडाइका साथ कार्यान्वयन गर्न नसकेको बारेमा यहाँका मिडियाले सशक्तरुपमा आलोचनात्क समाचार लेख्दै, भन्दै र देखाउदै आएका छन् । सिडिओले कतिपय पत्रकारलाई फोनमै झपार्ने समेत गरेका छन् । सिडिओले पत्रकारहरुले सूचना माग्दा यतीसम्म भन्न भ्याएका छन की उनकै दिनभरी लकडाउन भएको तपाईहरुले नदेख्ने, नलेख्ने र नदेखाउने साँझको मात्र देख्ने ? मलाई असफल बनाउन लाग्नुभएको हो ? सामाजिक सन्जालमा समेत लकडाउन कार्यान्वयन गर्न प्रहरी प्रशासन असफल भएको भन्दै चर्को आलोचना भइरहेको छ । आज पुष्पलाल चोकमा पत्रकारहरुलाई देखेपछि लकडाउन कार्यान्वयन गराउन तम्सिएको प्रहरीले पत्रकारलाई समेत धक्कामुक्का गर्न भ्याएको छ । फुटेज खिचिरेहका पत्रकारलाई प्रहरीले धक्काउंदै परसम्म लखेटेको थियो । एकजना प्रत्यक्षदर्शी भन्दै थिए, बाँकेका सिडिओ र एसपीलाई के भएको हो ? सरकारको निर्णय कार्यान्वयन गराउन असफल भएपछि सिडिओ र एसपी आत्तिन थालेका छन् ।
Discussion about this post