खोजखबर संवाददाता
बाँके साउन ६ गते । आज बेलुका नेपालगञ्जबाट दुई जना व्यक्तिलाई लागू औषध ब्राउन सुगर र नाईट्राजेपाम सहित प्रहरीले पक्राउ गरेको छ । सिमा प्रहरी चौकी जयसपुर तथा लागु औषध नियन्त्रण व्यूरो नेपालगञ्जबाट खटिएको प्रहरी टोलीले नेपालगञ्ज उपमहानगरपालिका वडा – १० स्थित महेन्द्र बहुमुखी क्याम्पस अगाडी सडक खण्डमा जमुनाहाबाट नेपालगञ्जतर्फ आउदै गरेका बिरेन्द्रनगर नगरपालिका वडा-९ सुर्खेतका १८ बर्षिय रोहित बुढा र शुभकालिका गाउँपालिका वडा – ३ भर्ता कालिकोटका २१ बर्षिय प्रकाश रोकायलाई पक्राउ गरेको हो । उनिहरुलाई चेकजाँच गर्दा रोहित बुढाले लगाएको बाँया जुत्ताको तलुवा मुनि लुकाई राखेको अबस्थामा १ पोका पलाष्टिकमा १ ग्राम ५०० मिलिग्राम ब्राउन सुगर र पाईन्टको पछाडी पाकेटमा १० ट्यावलेट नाईट्राजेपाम बरामद गरेको जनाएको छ । उनिहरु दुबैजनालाई नियन्त्रणमा लिई आबश्यक अनुसन्धान गरिरहेको जिल्ला प्रहरी कार्यालयले जनाएको छ ।
Discussion about this post