बाँके चैत १७ गते । प्रहरीले लकडाउनलाई कडाई गर्दै लगेको छ । यस्लाई साथ दिनु हाम्रो पनि दायित्व हो । तर बौद्धिक ब्यक्तिबाट उल्टै त्यस्को बर्खिलाप हुनु राम्रो होइन । नेपालगन्जमा यस्तै भयो । सुशासन र पारदर्शीताका क्षेत्रमा काम गर्ने बास नामक एनजिओको आडमा यसका अध्यक्ष रमेश सिटौलाले सुरक्षामा खटिएका प्रहरीलाई नै गालीगलौज गरी दुव्र्यवहारको प्रयास गरेको खुलेको छ । कोरोना भाइरसको संक्रमण बढ्न नदिन सरकारले नेपालगन्जसहित देशभर लकडाउन घोषणा गरेको अवस्थामा सरकारको नीति र निर्णय नै अटेर गरी दादागिरी पारामा सडकमा उत्रिएका सिटौलालाई प्रहरीले घरभित्र बस्न भनेपछि उनले उल्टै प्रहरीलाई ‘त को होस मलाई घर जाँ भन्ने’ भन्दै दुव्र्यवहार गरेका थिए । पटकपटक प्रहरीले सम्झाउदा समेत अटेरी गरि ‘म बासको अध्यक्ष हो मलाई चिनेको छस के गर्छस् तैले । मैले चाहे भने तलाई जे नि गर्न सक्छु । जस्ता शब्द बोलेर प्रहरीमाथि नै जाई लागेपछि सुरक्षामा खटिएको उक्त प्रहरीले उनलाई लाठी हानेको प्रत्यक्षदर्शीले बताएका छन् । ती प्रत्यक्षदशीका अनुसार उक्त घटनामा प्रहरीको कुनै दोष देखिदैन् । बास नामक एनजिओको निहुँमा सिटौलाले सरकारको लकडाउन र बाँके प्रशासनको जनता कप्mर्यू उल्लघन गरेको र प्रहरीमाथि नै गलत आरोप लगाएको बाँके प्रहरीले बताएको छ । आइतबार बेलुका ६ बजे नर्सिङ नजिक लकडाउन उल्लघन गरी सडकमा भेटिएका सिटौलालाई प्रहरीले किन तपाई यहाँ आएको हो ? पास कार्ड छ ? भनेर सोधेको प्रत्यक्षदर्शी बताउँछन् । प्रहरीले यसरी सोध्दा सिटौलाले उल्टै प्रहरीलाई गाली गरेको वडा प्रहरी कार्यालयका प्रहरी निरीक्षक हरी बस्नेतले बताए ।व्यक्तिगत सुरक्षा बिनानै नागरिकको सेवामा हामी प्रहरी अहोरात्र खटिनुपर्ने अवस्था भएकोले देशमा ठुलो महामारी हुन न दिन प्रहरी र नागरिकले नियमको पालाना गर्नु ठूलो शक्ति हुने वडा प्रहरी निरीक्षक बस्नेतले बताए ।उता बासका निर्देशक नमस्कार शाहले एक विज्ञप्ती निकाली कुटपिट र प्रहरी निरिक्षकद्वारा भएको हातपातको घोर भ्रत्र्सना गरेका छन् ।
Discussion about this post