बाँके चैत १७ गते । बाँकेको जानकी गाउँपालिका वडा नं.–१ साईगाउँका १२ जना युवालाई आज सोमबार क्वारेन्टाइनमा राखिएको छ । भारतको दिल्लीबाट आएका १२ जनालाई आज सोमबार जानकी गाउँपालिका वडा नं.–४ स्थित मानपुरमा बनाइएको क्वारेन्टाइनमा राखिएको छ । ति युवाहरुलाई वडा नं.–१ का अध्यक्ष मोहम्मद रजा राईको नेतृत्वमा क्वारेन्टाईन पठाइएको छ । उनीहरु जानकी वडा नं.–१ संग जोडिएको नेपाल भारतको खुल्ला सिमा भएर नेपाल आउन लागेका थिए । त्यस्तै फ्रान्सबाट आएकी युवतीसंग प्लेनमा आएका जानकी गाउँपालिकाका २ जनाको रिर्पोट नेगेटिभ देखिएको छ । जानकीको क्वारेन्टाइनमा हालसम्म पाँच जना बसेका थिए । जसमध्ये ४ जनाको परिक्षण नतिजा नेगेटिभ आएको जानकी स्वास्थ्य शाखा प्रमुख दल बहादुर रानाले जानकारी दिनुभयो । क्वारेन्टाइनमा वडा नं.–१ का २, वडा नं–४ का २ र वडा नं.–६–१ जना बसेका छन् । एक जनाको स्वाब अहिले पठाइएको छैन ।
Discussion about this post