बारा चैत १७ गते । बाराको कलैयाका एक युवाले उपचार नै नपाएर ज्यान गुमाउनु परेको छ । कोरोनासँग लक्षण मिलेको भन्दै वीरगञ्जस्थित नेशनल मेडिकल कलेजले उपचार गर्न नमानेपछि उनको उपचार अभावमै मृत्यु भएको हो । अस्पतालले भर्ना लिन नमानेर फिर्ता पठाएका बारा कलैयाका २५ वर्षीय विजय कुशवाहको उपचार नै नपाएर मृत्यु भएको छ ।नेशनलले भर्ना गर्न नमानेपछि आफन्तले उपचारका लागि काठमाडौं लग्दै गर्दै कुशवाहको बाटैमा मृत्यु भएको हो । थ्रेसरमा मुसुरो कुट्ने क्रममा खुट्टामा घाउ लागेको उनको स्थानीय मेडिकलमा टाँका लगाइएको थियो । त्यसको भोलिपल्टदेखि ज्वरो आउन थालेपछि अस्पताल भर्ना भएका थिए । त्यसपछि चिकित्सकले उपचार गर्न नमानेको आफन्तले बताएका छन् ।नेशनलपछि नारायणी अस्पतालमा प्रारम्भिक परीक्षणका क्रममा चिकित्सकले ‘सेप्टी सेमिया’का कारण बिरामीको खुट्टाको घाउ र छातीमा सं क्र म ण देखिएकोले सुविधा सम्पन्न अस्पतालमा लैजान रिफर गरेका थिए । त्यसपछि राति नै विरामीलाई वीरगञ्ज हेल्थ केयर, गण्डक अस्पताल पुर्याए पनि दुवै अस्पतालले विरामी उपचार गर्न अस्वीकार गरेको थियो ।
Discussion about this post