बाँके चैत १८ गते । बाँकेको कोहलपुरमा एम्बुलेन्स र मोटरसाइकल एक आपसमा जुध्दा एकजनाको मृत्युभएको छ। दुई जना घाइते भएका छन् । मेडिकल कलेज कोहलपुरबाट नेपालगञ्ज तर्फ जाँदै गरेको भे १ च ८२४ नम्बरको एम्बुलेन्स र से ५ प ४८४ नम्बरको मोटरसाइकल कोहलपुर नगरपालिका ११ मा एक आपसमा जुध्दा मोटररसाइकल सवार कालिकोट नरहरी गाउँपालिकाकी शोभा भट्टको मृत्यु भएको बाँकेका एसपी वीरबहादुर ओलीले जानकारी दिनुभयो। सोही स्थानका मोटरसाइकल चालक विक्रम विष्ट, र एम्बुलेन्स चालक बारबर्दिया नगरपालिका ६ बर्दियाका राम बहादुर थारु घाइते भएका छन् । उनीहरु दुवैको कोहलपुर मेडिकल कलेजमा उपचार भइरहेको छ ।
ADVERTISEMENT
Discussion about this post