बाँके चैत १८ गते । नेपालगञ्ज कारागारमा एकजना कैदीको मृत्यु भएको छ । अपराधिक लाभ कसुरमा कैद भुक्तान गर्दै आई रहेका नेपालगञ्ज–८ का ६० वर्षिय अस्फाक अहमद सिद्दिकीको आज विहान मृत्यु भएको कारागारका जेलर देबेन्द्र प्रसाद श्रेष्ठले जानकारी दिनुभयो । बिहान ७ बजे तिर एक्कासी बेहोस भएपछि उपचारको लागि भेरी अस्पताल पुराए लगत्तै उनको मृत्यु भएको बताइएको छ । मृतक सिद्दिकी लामो समयदेखी उच्च रक्तचाप र मधुमेह रोगबाट ग्रसित रहेको जेलर श्रेष्ठले जानकारी दिनुभयो । उनको हृदयघातका कारण मृत्यु भएको आशंका गरिएको छ । उनले कारागारमा सवा दुई बर्षदेखी कैद भुक्तान गरिहेका थिए । ३ सय जना कैदी अट्ने क्षमता रहेको नेपालगन्ज कारगारामा अहिले ८ सय २५ जना कैदी छन ।
ADVERTISEMENT
Discussion about this post