डिल्लीराज पन्त कञ्चनपुर चैत्र २१ गते । कञ्चनपुर स्थित महाकाली नदीमा एक पुरुषको शव फेला परेको छ । बिहीबार बिहान भीमदत्त नगरपालिका १२ ओदाली क्षेत्र नदीमा शव फेला परेको हो । जिल्ला प्रहरी कार्यालय कञ्चनपुरका प्रवक्ता रविन्द्र प्रशाद पौडेलले फेला परेको शवको पहिचान नभएको बताए । बुधबार साँझ महाकाली नदी झोलुङ्गे पुल भन्दा दक्षिण एक युवक डुबेर बेपत्ता भएका थिए, आज फेला परेको शव झोलुङ्गेपुल भन्दा उत्तरतिर फेला परेको हो । ‘हिजो कुन मानिस डुबेको हो भन्ने बारेमा खोजिकार्य भईरहेको छ, ‘प्रहरी प्रवक्ता पौडेलले भने, ‘आजको पनि पहिचान भएको छैन् ।’ उक्त शव एक दुईदिन अघि नै बगेर आएको अनुमान गरिएको छ । भीमदत्त र महाकाली नगरपालिका जोड्ने एसियाकै दोस्रोलामो झोलुङ्गेपुल बन्द भएपछि स्थानीयले कतै भारतबाट आएका व्यक्ति भाग्न खोज्दा डुबेको हुनसक्ने अनुमान गरेका छन। महाकाली नदीमा फेला परेको शव पोष्टमाष्टका लागि महाकाली अस्पतालमा ल्याईएको छ । लकडाउनका कारण दार्चुलादेखि कञ्चनपुरसम्मका नाका बन्द भएपछि भारतबाट फर्किएका केही नेपालीले दार्चुला महाकालीमा हाम फालेर नेपाल प्रवेस गरेका थिए । कतै उनीहरुले पनि झोलुङ्गेपुलमा तालाबन्दी भएपछि हाम फालेर वारीपारी गर्न खोजेको हुनसक्ने आशका गरिएको छ ।
Discussion about this post