सरला सुबेदी बाँके चैत्र २८ गते । बैजनाथ गाँउपालिका ले राहात वितरण कार्य धमाधम सुरु गरेको छ । गाँउपलिका को आठ वटा वडाहरुमा रहेका अती विपन्न तथा ज्याला मजदुरी घर धुरीहरुको लागत संकलन गरी राहात वितरण कार्यसुरुगरेको छ । विहिबार बैनजाथ गाँउपालिकाले आयोजना गरेको पत्रकार सम्मेलनमा गाँउपालिका का अध्यक्ष मान वहादुर रुचाल ठकुरी ले प्रत्येक वडाका २ हजार ६ सय अठाईस जना विपन्न घर परिवार लाई राहात वितरण गर्ने जानकारी दिएका थिए । चार दिन यता ति वडा हरुका एक हजार ६ सय ६६ घर परिवार लाई राहात वितरण गरेको रुचालले बताए। नेपाल सरकार ले कोभिड १९ को नियन्त्रण तथा रोकथामका लागी गरेको लक डाउन निरन्तर जारी रहेको अबस्थामा बैजनाथ गाँउपालिका भित्र रहेका विपन्न घरधुरी लाई केही राहात मिलोस भन्ने उदेश्यका साथ राहात वितरण कार्य गरेको गाँउपा्लिका ले जनाएको छ । वडा कार्यालय बाट नाम संकलन भैई आएका अन्य घर परिवारलाई क्रमश राहात वितरण गरिने अध्यक्ष रुचाल ले बताए । गाँउपालिका लाई विभिन्न ब्यक्ति तथा संघ संस्थाले आर्थिक तथा जिन्सी सहयोग गरेका छन गाँउपालिका विपद कोषमा विभिन्न संस्था बाट ८६ हजार नगद र २ लाख ७७ हजार पाँच सय तिस जम्मा भएको छ । गाँउपालिका को स्रोत र कर्मचारीहरु को तलव भत्ता समेत कट्टा गरी विपत कोषमा जम्मा गरिएको छ । भने हाल बैजनाथ गाँउपालिका ले संचालन गरेको प्राथमिक स्वास्थ केन्द्र वनकटुवा को कोरेन्टाईन मा ६ जना को उपचार भैरहेको गाँउपालिका ले जनाएको छ ।
Discussion about this post