खड्क सुनार मुगु बैशाख ४ गते । मुगुको खत्याड गाउँपालिकामा कोरोना संक्रमणको द्रुत परीक्षण (र्यापिड टेस्ट) मा एक जनामा पोजेटिभ नतिजा देखिएको छ ।
मुगुको खत्याड गाउँपालिकामा बिहिबार भारतबाट आएका ५५ जनाको र्यापिड टेस्ट गरिएको प्रमुख जिल्ला अधिकारी कृष्णकुमार निरौलाले जानकारी दिए ।
प्रमुख जिल्ला अधिकारी निरौलाले र्यापिड टेस्ट गर्दा एक जनामा पोजेटिभ देखाएको र पिसिआर गरेपछि मात्र थाहा हुने बताए । निरौलाका अनुसार पोजेटिभ देखिएका व्यक्ति चैत्र १ गते भारतबाट आएका व्यक्ति हुन् । उनी होम क्वारेन्टाइनमा रहेका छन् । पोजेटिभ देखिएका व्यक्तिको पिसिआर परीक्षणका लागि थ्रोड स्वाब सुर्खेत पठाउन लागिएको प्रमुख जिल्ला अधिकारी निरौलाले जानकारी दिए । खत्याड गाउँपालिकाका मात्र भारतबाट एक सयभन्दा आएको जिल्ला प्रशासन कार्यालय मुगुले जनाएको छ ।
ADVERTISEMENT
Discussion about this post