सरला सुबेदी बाँके बैशाख ५ गते । सर्वोच्च अदालतको आदेश र प्रमुख प्रतिपक्षी दलको माग विपरित सरकारले लकडाउनलाई थप कडाई गरेको छ । साथै कसैलाई पनि हिडेर गाउँ जान नदिने आदेश कडाईका साथ पालना गराउन सुरक्षाकर्मीलाई पनि निर्देशन दिएको छ ।प्रधानमन्त्री केपी शर्मा ओलीले शुक्रबार मन्त्री, सुरक्षाकर्मी लगायत सम्बद्ध सबै पक्षलाई बालुवाटार बोलाएर आवतजावत पूर्ण रुपमा ठप्प पार्न निर्देशन दिएका हुन । कोरोना भाइरसविरुद्ध लकडाउन एक मात्रै विकल्प भएको र यसमाथि अलिकति पनि हेलचेक्राई नगर्न सुरक्षाकर्मीलाई प्रधानमन्त्रीले निर्देशन दिएका छन् ।
शुक्रबार मात्रै सर्वोच्च अदालतले पैदलै घर हिडेकालाई निःशुल्क गन्तव्यमा पुर्याउन सरकारलाई अन्तरिम आदेश दिएको थियो । तर प्रधानमन्त्री ओलीले सर्वोच्चकै आदेश विपरित अब सडकमा हिड्न र घर जान पनि प्रतिबन्ध लगाएका छन । र सबैलाई लकडाउनको पुर्ण रुपमा पालना गर्न अपिल समेत गरेका छन् ।
Discussion about this post