वीरगञ्ज बैशाख ८ गते । वीरगञ्ज महानगरपालिका वडा नम्बर २५ श्रीसियाका एक युवक मृत अवस्थामा फेला परेका छन ।श्रीसिया स्थित नगर बिकाशको जग्गामा आज बिहान २६ बर्षिय रवि पटेल मृत अवस्थामा फेला परेको प्रहरीले जनाएको छ । हिजो राती साढे ८ बजे पेट दुखेको भन्दै घरबाट अषधी किन्न निस्केका पटेलको शव आज बिहान साढे पाँच बजे स्थानियले हेरेपछि प्रहरीलाई खबर गरेका थिए । पटेलको मुखमा रगत देखिएको र घाँटी तौलियाले बेरिएको अवस्थामा फेला परेको प्रहरीले जनाएको छ ।
मृतकका बुवा मनोज पटेलका अनुसार छोराको हत्या गरिएको दावि गरेका छन । शवलाई पोष्टमार्टमको लागि वीरगञ्ज स्थित नारायणी अस्पतालमा पठाइएको र घटनाबारे थप अनुसन्धान भईरहेको जिल्ला प्रहरी कार्यालय पर्साले जनाएको छ ।
ADVERTISEMENT
Discussion about this post