सेनाको गाडीको ठक्करबाट एकको मृत्य एक घाइते

बाँके बैशाख २० गते ।
नेपाली सेनाको गाडी ठक्कर दिँदा कोहलपुरमा १ जनाको मृत्यु भएको छ, भने एक जना गम्भीर घाइते भएका छन ।

एनटीभी रोडमा सेनाको बा २ झ ६३४१ नम्बरको गाडीको ठक्करबाट भे ४ प ७६२० नम्बरको मोटरसाइकलमा सवार कोहलपुर २ निवासी किरण भुषालको घटनास्थलमै मृत्यु भएको हो । मोटरसाइकलमा सवार अर्का बारबर्दिया ४ निवासी प्रतीक्षा भुषाल गम्भीर घाइते भएको प्रहरीले जनाएको छ ।

घाइते भुषालको नेपालगन्ज मेडिकल कलेज शिक्षण अस्पताल कोहलपुर दशबिगाहमा उपचार भइरहेको छ । नेपालगन्जबाट कोहलपुर तर्फ आइरहेको नेपाली सेनाको गाडीले एनटिभी रोड चोकमा मोटरसाइकल लाइ ठक्कर दिएको थियो ।

ठक्कर पछी सेनाको गाडी रोड छेउमा रहेको डिभाइडरमा ठोकिएको दुर्घटनाका प्रत्यक्षदर्शीले बताएका छन । ठक्कर दिईसकेपछी नेपाली सेनाको गाडीलाई इलाका प्रहरी कार्यालय कोहलपुरले नियन्त्रणमा लिएको छ ।