सिराहा बैशाख ३१ गते ।
सिराहाको लहानमा टाउको नभएको अवस्थामा एक पुरुषको शव भेटिएको छ । लहान नगरपालिका १७ बस्ने ३७ वर्षीय सुस्त मनस्तिथि भएका सफिद मियांको शव भेटिएको छ ।
विगत केहि दिन अगाडिदेखि मुस्लिम धर्मावलम्बीहरुको रमजान पर्व चल्दै छ। सफिद साँझ रोजा ब्रत खोलेर राति १० बजेको समयमा परिवारहरुसंगै घरमा सुतेका थिए । नेपालसमाचारपत्रमा खबर छ ।
बिहानको २ बजे ब्रत बस्न सेहरी खान उठेको बेला सफिद ओछ्यानमा नभेटिएपछि परिवार सदस्यले मियां शौच गर्न गएको अनुमान लगाएका थिए ।
तर निकै समय बित्दा समेत उनी घर नफर्किएपछि परिवारले खोजि निति गरेका थिए । केही समयपछि मियाँको घरदेखि केही दुरीमा रहेको पोखरी नजिक टाउको नभएको अवस्थामा शव फेला परेको थियो ।
शव फेला परेको स्थान घरदेखि करीब ७५ मिटरको दूरीमा रहेको इलाका प्रहरी कार्यालय लहानका डिएसपी शरद कुमार क्षेत्रीले जानकारी दिए ।
डिएसपी क्षेत्री र शस्त्र प्रहरी वेस क्याम्प लहानका डिएसपी अर्जुन प्रसाद सापकोटा नेतृत्वको टोलि घटना स्थलमा पुगेका थिए । शरीर भेटिए पनि उनको टाउको भने भेटिएको छैन । टाउकोसहित घटनाको थप अनुसन्धान चलिरहेको प्रहरीले जनाएको छ ।
Discussion about this post