डोटीमा मिनी ट्रक दुर्घटनामा ४ घाईते

सम्बन्धित समाचार

डोटी जेठ ८ गते ।
डोटीको बोगटान फुड्सिल गाउँपालिका वडा नं. ७ चवराचौतारामा मिनी ट्रक दुर्घटना हुँदा ४ जना घाईते भएका छन् । बोगटानमा निर्माण भईरहेको मौरासैन हाईड्रोपावरको समान बोकेको बा २ क २७३९ नम्बरको मिनी ट्रक दुर्घटना हुँदा ४ जना घाईते भएका छन।

घाईते हुनेहरुमा ट्रक मालिक बाँके जिल्ला राजापुर गाउँपालिका २ का शान्त मल्ल, भारतको हसुुसोल जिल्लाका किशोर सिंह गम्भीर घाईते भएका छन भने बाँके गरुवागाउँपालिका –५ का चालक भिमबहादुर रुमालर लिखु गाउँपालिका ६ कालीकोट भोज नारायण श्रेष्ठ घाइते भएका प्रहरी निरिक्षक कर्ण बोहराले जानकारी दिए ।

घाईते चारै जनालाई जिल्ला प्रशासनको पहलमा माउण्टेन एभरेष्टको प्राईभेट हेलीकोप्टर मार्फत थप उपचारको लागि कर्णाली प्रदेशको राजधानी सुर्खेत लागिएको प्रहरी निरीक्षक बोहराले जानकारी दिएका छन् ।