बाँकेको कोहलपुरबाट हतियार बरामद

सम्बन्धित समाचार

बाँके जेठ १५ गते ।
बाँकेको कोहलपुरबाट अवैध हतियार बरामद भएको छ । सशस्त्र प्रहरी बल नेपाल नम्बर ५४ हेडक्वाटर राजस्व गुल्मको टोलिले कोहलपुर वडा नम्बर ८ बाट दुई थान लोडेड भरुवा बन्दुक बरामद गरेको हो ।

बिहीवार बिहान कोहलपुर नगरपालिका वडा नम्बर ८ सितल छाँया सामुदायिक बन स्थित सिक्टा सिचाईको पुल मुनि लुकाइ राखेको भरुवा बन्दुक सहित बन्दुकमा प्रयोग हुने विभिन्न सामाग्रीहरु , घरेलु बारुद, भरुवा बन्दुकमा प्रयोग गरिने छर्रा लगायतका सामानहरु बरामद गरिएको सशस्त्र प्रहरी बल नेपाल नम्बर ५४ राजस्व गुल्मका डिएसपी श्याम कुमार कार्कीले बताउनुभयो ।

सिकार प्रायोजनका लागी लुकाइराखेको अवस्थामा सुचनाको आधारमा सशस्त्र प्रहरी बल नेपाल नम्बर ५४ राजस्व गुल्मको टोलीले उक्त हतियार बरामद गरेको सशस्त्रले जनाएको छ।