बाँके जेठ २५ गते ।
पछिल्लो समय भारतबाट फर्किएकाको कोरोना जाँच गर्दा खजुरामा १६ जनामा कोरोना पोजेटिभ देखिएको छ । कोरोना पुस्टी भएका १६ मध्य १३ जनालाई कोरोना विशेष आइसोलेसन अस्पताल खजुरामा राखिएको छ भने आज संक्रमण देखिएका ३ जनालाई डेन्टल अस्पताल नेपालगन्ज लिने तयारी भएको स्वास्थ्य शाखा प्रमुख पूर्ण खड्काले जानकारी दिएका छन् ।
उनका अनुसार हालसम्म खजुरामा ५२६ जनाको पिसिआर र २७१ जनाको आरडिटी परीक्षण गरिएको छ । विभिन्न क्वारेन्टिनमा हाल ५८९ जना बसेका छ्न । समय अवधि पुगेकाहरुको आरडिटी र पिसिआर जांचपछि रिपोर्ट नेगेटिभ आएकालाई ७ दिन होम क्वारेन्टिनमा रहने गरि घर पठाइएको छ ।
स्वास्थ्य शाखा प्रमुख खड्का अनुसार खजुरामै गरिएको जाँचमा कोरोना देखिएकी स्वास्थ्यकर्मीले हिजो कोरोना जितेर घर फर्किएकी छिन ।
ADVERTISEMENT
Discussion about this post