कोहलपुरमा अन्दाजी ४५ बर्षिय पुरुष मृत अवस्थमा फेला

बाँके असार ६ गते ।
कोहलपुर नगरपालिकाको न्यूरोड चोक नजिक रहेको कोहलपुर सव-डिभिजन बन कार्यालयको अगाडिको प्रतिक्षालयमा एक पुरुष मृत अवस्थामा भेटिएका छन् ।

पहिचान नखुलेका बेबारिसे अन्दाजी ४५ बर्षका देखिने ती व्यक्तिको आफन्तको खोजी गरिरहेको इलाका प्रहरी कार्यालय कोहलपुरका प्रमुख प्रहरी नायब उपरीक्षक कुलदिप चन्दले जानकारी दिएका छन् ।
चन्दले मृतकको शवलाई आवश्यक प्रक्रिया पुर्‍याएर पोस्टमार्टमकालागि अस्पताल पठाउनका लागि छलफल भइरहेको बताए।

घटनास्थल वरिपरिका स्थानीयका अनुसार मृत व्यक्ति केही समयदेखि सोही क्षेत्रमा नै मागेर हिड्ने गरेका थिए । माग्न हिड्दा राम्रै देखिने गरेको स्थानियले बताए ।

कोहलपुर इलाका प्रहरीले घटनाबारे थप अनुसन्धान भइरहेको पोस्टमार्टमको रिपोर्ट नआए सम्म मृत्युको कारण खुलाउन नसकिने जानकारी गराएको छ।