बाँके असार ११ गते ।
बाँके जिल्लाको सिमानामा रहेको ईलाका प्रहरी कार्यालय जमुनाहले भारतबाट लुकाएर ल्याउदै गरेको करिव अढाईलाख बजार मुल्य बराबरको ९ थान मोबाईल सहित एक व्यक्तिलाई नियन्त्रणमा लिन सफल भएको छ ।
बुधबार साँझ करिव ५ बजेको समयमा ईप्रका जमुनाहका ईन्चार्ज बिष्णु गिरीको कमाण्डमा रहेको टोलीले नेपालगन्ज–१५ जमुनाह चोकबाट भिभो वाई १२ मोडलको ३ थान, भिभो वाई १५ मोडलको १ थान, भिभो वाई ११ मोडलको १ थान, रिडमी नोट ८ प्रो ४ थान सहित नेपालगन्ज–१६ जयसपुरका २० वर्षिय शम्साद अन्सारीलाई नियन्त्रणमा लिएको हो ।
लामो समयदेखि भारतबाट चोरीबाटो हुँदै मोबाईल तथा ईलोक्ट्रोनिक्स सामान नेपाल भित्रिने गरेको सूचना प्राप्त भए अनुसार प्रहरीले निगरानी बढाई रहेको बेलामा पहिलो पटक मोबाईल सहित ल्याउने व्यक्ति नियन्त्रणमा लिन सफल भएको बताउछ्न इन्चार्ज गिरि उनले पछिल्लो समय कोरोना भाइरस( कोभिड१९)ले देश पुर्ण रुपमा लकडाउनमय हुँदा चोरी तस्करी केही कम हुने गरेको तर केही दिन यतादेखी लकडाउन खुकुलो भएसङ्गै भारतबाट चोरी तस्करी गर्नेको संख्यामा बृद्दी भएको बताएका छन् ।
Discussion about this post