स्याङ्जा असार १४ गते ।
अविरल वर्षाका कारण घरमाथिबाट आएको पहिरोमा परेर स्याङ्जाको गल्याङमा एक जनाको ज्यान गएको छ ।
पहिरोमा परेर गल्याङ नगरपालिका-९ साङ्लियका ४९ वर्षीय यमबहादुर विकको ज्यान गएको वडाध्यक्ष हरी खनालले जानकारी दिएका छन् । राति ३ बजेतिर घर माथिबाट आएको पहिरोमा परेर उनकी श्रीमती घाइते भएकि हुन् । उनलाई उपचारका लागि पाल्पा लगिएको छ ।
३ जनाको परिवार रहेको विकको परिवारमा एक जना भने सकुशल रहेका प्रहरीले जनाएको छ ।
ADVERTISEMENT
Discussion about this post