फाइल फोटो
बाँके असार १९ गते ।
बाँकेमा आज थप १४ जना कोरोना भाइरस संक्रमणबाट मुक्त भएका छन् । राप्तीसोनारी गाउँपालिका र बैजनाथ गाउँपालिकाका ७/७ जना कोरोना संक्रमणबाट मुक्त भएका हुन् ।
कृषि तालिम केन्द्र खजुरा र कोरोना विशेष अस्पताल खजुरामा बसेका राप्तीसोनारीका ७ जना र बनकटवामा बसेका बैजनाथका ७ जना डिस्चार्ज भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो । योसँगै बाँकेमा कोरोना भाइरसको संक्रमणबाट मुक्त हुनेको संख्या ३ सय ३६ पुगेको छ ।
अव आइसोलेसनमा २५ जना मात्र बाँकी छन् । बाँकेमा ३ सय ६३ जनामा कोरोना भाइरस संक्रमण देखिएकोमा २ जनाको भने मृत्युपछि भाइरस पुष्टि भएको थियो ।
ADVERTISEMENT
Discussion about this post