मोटरसाइकलको ठक्करले एकको मृत्यु, चार घाइते

सर्लाही असार २१ गते ।
सर्लाहीमा एक मोटरसाइकलले एकैसाथ पाँच जनालाई ठक्कर दिएको छ । ठक्करले १ जनाको मृत्यु भएको छ, भने ४ जना घाइते भएका छन् ।

बरहथवा नगरपालिका—११ दियरमा हिरापुरबाट हरकठवातर्फ जाँदै गरेको ना.५२ प ५६४१ नम्बरको मोटरसाइकलले बाटोको छेउमा बसिरहेका ५ जनालाई एकै पटक ठक्कर दिएको प्रहरीले जनाएको छ ।

ठक्करले स्थानीय रामप्रवेश मुखियाका १४ बर्षीय छोरा जुगल मुखियाको घटना स्थलमै मृत्यु भएको सर्लाही प्रहरीका प्रबक्ता मदन कुँवरले जानकारी दिनुभयो । सोही ठाउँका ३५ बर्षीय सुरेन्द्र महतोको टाउकोमा चोट लागेको छ । यस्तै, ३५ बर्षीय शम्भु मुखिया, २२ बर्षीय श्रवण मुखिया र ३२ बर्षीय देबेन्द्र पासवान घाइते भएका छन् ।

घाइतेहरुको बिभिन्न अस्पतालमा उपचार भइरहेको प्रबक्ता मदन कुँवरले बताउनुभयो ।