भेरीमा आज १० जना थपिए

बाँके असार २४ गते ।
भेरी अस्पताल नेपालगन्जमा गरिएको पिसिआर परीक्षणमा आज १० जनामा कोरोना भाइरस संक्रमण पुष्टि भएको छ । आज संक्रमण पुष्टि भएकामा बाँकेका २, दाङका ४, रुकुमका ३ र कालिकोटका १ जना रहेका छन् । बाँकेमा नेपालगन्ज उपमहानगरपालिका १४ का २२ र ४५ बर्षिया महिलामा कोरोना भाइरस संक्रमण देखिएको भेरी अस्पताल नेपालगन्जले जनाएको छ ।

योसँगै बाँकेमा संक्रमितको संख्या ३७० पुगेको छ । दाङको तुलसीपुर उपमहानगरपालिका २ का २८ बर्षिय पुरुष, लमही नगरपालिका ५ का २४ र ३३ बर्षिय पुरुष र लमही ७ का २५ बर्षिय पुरुषमा भाइरस संक्रमण देखिएको हो । त्यस्तै रुकुम चौरजारी नगरपालिका ९ का १८ र ४२ बर्षिय पुरुष र चौरजारी १ का २९ बर्षिय पुरुषमा कोरोना संक्रमण पुष्टि भएको छ ।

भेरीमै गरिएको परीक्षणमा रास्कोट नगरपालिका १ कालिकोटका ३३ बर्षिय पुरुषमा कोरोना भाइरस संक्रमण पुष्टि भएको छ । अस्पतालका अनुसार, हालसम्म १४ हजार २ सय ५० नमूना संकलन भएकोमा १४ हजार ५० जनाको परीक्षण सम्पन्न भइसकेको छ । जस्मा ६ सय ७८ जनामा कोरोना भाइरस संक्रमण पोजेटिभ देखिएको छ ।

संकलित स्वाब मध्ये २ सय जनाको परीक्षण प्रक्रियामै रहेको अस्पतालले जनाएको छ ।