बाँक साउन ३ गते ।
केही समयदेखी बन्द भएको अभियानलाई लकडाउन खुकुलो भएसङ्गै नेपालगञ्जका छाडा पशुचौपायाहरुलाई पुनः कान्जीहाउस पुर्याउन शुरुवात गरिएको छ । सडकमा छोडिने गरेका आ–आफ्नो पशुचौपायालाई घरमा बाधेर राख्न पशुधनीहरुलाई सार्वजनिक अपील गर्दासमेत बेवास्ता गरेपछि पुनः कान्जीहाउस पुर्याउन थालिएको हो ।
छाडा पशुचौपायाका कारण दुर्घटनाको जोखिम उच्च रहेकोले कान्जीहाउस पुर्याउन थालिएको नेपालगञ्ज उपमहानगरले जनाएको छ । शनिवार ६९ वटा छाडा पशुचौपायाहरुलाई कान्जीहाउस पुर्याइएको छ । नेपाल प्रहरी, सशस्त्र प्रहरी र नेपालगञ्जका नगर प्रहरीको संयुक्त टोलीले कान्जीहाउस पुर्याएको हो ।
टोलीले छाडा पशुचौपायाहरुलाई जम्मा पारेर धपाउँदै कान्जीहाउस पुर्याएको बाँकेका प्रमुख जिल्ला अधिकारी रामबहादुर कुरुम्बाङले जानकारी दिए ।
उनले पछिल्लो समय नेपालगन्ज कोहलपुर रोड, नेपालगन्ज खजुरा रोड अनि नेपालगन्ज , कोहलपुर र खजुराका बजार वरिपरि छाडा गाईगोरुको आतंकले सडक दुर्घटना मात्र नभैइ , यतिबेला खेतीपाती खाइदिने बजार क्षेत्रमा बेच्न राखेको फलफुल तरकारी सबै इक्सान गरिदिने भएकाले यिनको नियन्त्रणको लागि पुनः कान्जिहाउस पुर्याउन लागेको बताए ।
Discussion about this post