आइपिएल क्रिकेटको यो सिजन युएईमा हुने

सम्बन्धित समाचार

काठमाडौं साउन १९ गते ।
इन्डियन प्रिमियर लिग आइपिएल क्रिकेटको यो सिजन आउँदो सेप्टेम्बर १९ देखि संयुक्त अबर इमिरेट्स युएईमा हुने पक्का भएको छ । आइपिएल आयोजकले भारत बाहिर युएईमा प्रतिस्पर्धा गर्ने पुष्टि गरेको हो ।

फाइनलसहित आइपिएलका ५३ खेलहरु युएईका दुबई, शारजहा र अबधाबी हुनेछन् । यस्तै आइपिएलको प्ले–अफ खेलहरु हुने हप्ता तीन टिम सहभागी महिला टी–ट्वेन्टी च्यालेन्ज पनि हुनेछ।तर केही शीर्ष महिला खेलाडीले सो च्यालेन्जको समयलाई लिएर आलोचना गरेका छन् ।

सोही समयमा अस्ट्रेलियामा महिला बिग बास लिग हुनेछ । महिला बिग बास लिग अक्टोबर १६ देखि सुरु हुने तय भएको छ । युएईमा यसअघि सन् २०१४ मा आइपिएलका खेलहरु भएका थिए । भारतमा चुनाव भएका कारण त्यसवर्ष आइपिएलका झण्डै आधा खेल युएईमा भएका थिए । यो वर्ष भने कोरोना भाइरसको महामारीका कारण आइपिएल युएईमा हुन लागेको हो ।