चर्चित युट्युबर आर.जि.बिको आइसोलेसन तर्फ जादै गरेको सेल्फी भिडियो

बाँके साउन २९ गते ।
नेपालगन्जमा निषेधाज्ञा छ । म आफू स्वयंम हिडेर अहिले आइसोलेसनमा जाँदैछु । आइसोलेसन सेन्टर जानलाई मैले एम्बुलेन्सको बाटो पनि कुरिन। आफुलाई कोरोना संक्रमित भएको खबर पाउने बित्तिकै आइसोलेसन सेन्टर तर्फ जान निस्किहालेको बताए।

उनले आफै एम्बुलेन्सलाई इन्कार गरेको प्रष्ट पारे । उनले भने घर परिवार छर छिमेकलाइ कुनै किसिमको समस्या नहोस् र टोलमा एम्बुलेन्स देखेर कोहि पनि त्रसित नहुन भनेर एम्बुलेन्सको पर्खाइ नगरेर निस्केको बताए । एउटा भिडियोमा आर.जि.बि निहाल अकतर यसरी बोल्दै सडकमा हिडिरहेका छन् ।

उनी आफैले आफु कोरोना संक्रमित भएको र आइसोलेसन जाँदै गरेको भिडियो सार्वजनिक गरेका छन् । नेपालगन्जको ग्लोवल बैंकमा कार्यरत उनलाई कोरोना भाइरस संक्रमण पुष्टि भएको थियो। साउन २३ गते कोरोना भए नभएकोबारे स्पष्ट हुन उनले नमुना दिएका थिए । तर त्यसको तीन दिन पछि रिपोर्ट पोजेटिभ आयो र उनलाई कोरोना भाइरस संक्रमण पुष्टि भयो । उनी अहिले सिटी प्यालेस होटलको आइसोलेसनमा बसीरहेका छन् ।

उक्त भिडियोमार्फत उनले सन्देश दिएका छन् की सबै जना सचेत बनौं र कोरोना भाइरसको संक्रमणबाट बचौ अनि बचाउ । उनलाई कुनै पनि लक्षण देखिएको छैन् । कसरी संक्रमण भयो थाहा छैन उनी भन्छन ‘मेरो स्वास्थ्य अवस्था सबै ठिक छ ।’ ग्लोवल बैंकका धेरै कर्मचारीहरुमा पनि कोरोना भाइरस संक्रमण देखिएको छ ।