बुटवल असोज ८ गते ।
कोरोना विशेष अस्पताल बुटवलमा उपचार गराइरहेका दुईजना कोरोना भाइरस संक्रमितको मृत्यु भएको छ।असोज १ गतेदेखि उपचाररत कपिलवस्तु बुद्धभूमि ६ का ५० वर्षका पुरुष र भदौ २७ गतेदेखि उपचाररत नवलपरासी रामग्राम ३ का ४९ वर्षीय पुरुषको मृत्यु भएको हो।
उनीहरु दुवैजनालाई सात दिनदेखि भेन्टिलेटरमा राखेर उपचार जारी थियो। असोज १ गते अस्पतालमा भर्ना भएका कपिलवस्तुका पुरुषको बिहीबार बिहान ७ बजे मृत्यु भएको लुम्बिनी प्रादेशिक अस्पताल बुटवलका सूचना अधिकारी डा। विष्णु गौतमले जानकारी दिनुभयो। उनमा मधुमेह र मिर्गौलाको समस्या थियो।
नवलपरासी रामग्रामका पुरुष भदौ २७ गते अस्पतालमा भर्ना भएका थिए। उनमा कलेजोको समस्या थियो। उनको बिहीबार बिहान चार बजे मृत्यु भएको डा गौतमले जानकारी दिनुभयो।
ADVERTISEMENT
Discussion about this post