बाँके असोज १० गते ।
प्रेस स्वतन्त्रता सेनानी पन्नालाल गुप्त प्रतिष्ठान संस्थागत विकाससँगै अब विधीवत दर्ता प्रक्रियामा जुटेको छ ।
वरिष्ठ पत्रकार, प्रेस स्वतन्त्रता सेनानी स्व पन्नालाल गुप्तको स्मरण तथा सम्मानमा हालै गठीत प्रतिष्ठानको प्रथम बैठकले विधान लेखन निर्माण लगायतका निर्णयहरु गरेको छ ।
गुप्तले झण्डै ४ दशकअघि देखि नेपालगन्जबाट साप्ताहिक किरण प्रकाशन र सम्पादन गर्दै आउनु भएको थियो । नेपाल पत्रकार महासंघ बाँकेका पुर्व सभापति, नेपाल प्रेस यूनीयन बाँकेका संस्थापक अध्यक्ष गुप्तको गत माघ १५ गते निधन भएको थियो ।
प्रतिष्ठानका अध्यक्ष एवं स्व गुप्तका जेष्ठ सुपुत्र विजय कुमार गप्ताको अध्यक्षतामा शुक्रबार बसेको बैठकले प्रतिष्ठानको विधान मस्यौदा निर्माण तथा दर्ता प्रत्रियाका लागि ५ सदस्यीय उप समिति निर्मण गरेको छ ।
प्रतिष्ठानका कानूनी सल्लाहकार राकेश कुमार सोनीको संयोजकत्वमा हेमन्त कर्माचार्य, शुक्रऋषि चौलागाई, प्रभाकर मिश्रा र सुनिल गुप्ता सदस्य रहनु भएको छ ।
यस्तै वैठकले नेपाल पत्रकार महासंघ र अवधी पत्रकार संघलाई प्रतिष्ठानका वैठकमा नियमित आमन्त्रण गर्ने पनि निर्णय गरेको छ ।
प्रतिष्ठानको सहज सञ्चालन र व्यवस्थापनका लागि प्रतिष्ठानको कोषमा जम्मा हुने गरि किरण साप्ताहिकका तर्फबाट ५१ हजार र प्रतिष्ठानका सदस्य राम कुमार गुप्ताद्धारा २१ हजार सहयोग गर्ने घोषणा गरिएकोमा धन्यवाद ज्ञापन गरिएको छ ।
यस्तै स्व गुप्ताद्धारा प्रकाशित, सम्पादीत किरण साप्ताहिकको पुनः प्रकाशनका लागि हर सम्भव आवश्यक सहोग गर्ने प्रतिवद्धता पनि वैठकले व्यक्त गरेको छ ।
Discussion about this post