आइतबार बाँकेका एक डाक्टरसहित १८ जना डिस्चार्ज हुँदै

सम्बन्धित समाचार

बाँके असोज १८ गते ।
आइतबार बाँकेबाट एक जना डाक्टरसहित १८ जना कोरोना संक्रमित निको भइ डिस्चार्ज हुँदैछन । जिल्ला कोभिड-१९ संकट व्यवस्थापन केन्द्र बाँकेका फोकल पर्सन नरेश श्रेष्ठका अनुसार आइतबार बाँकेबाट वेस्टर्न अस्पताल नेपालगन्जमा कार्यरत डाक्टर राहुल थापासहित ८ महिला र १० पुरुष गरी १८ जना संक्रमित कोरोना मुक्त भई डिस्चार्ज हुँदैछन । उनिहरुलाई असोज ४ गते कोरोना संक्रमण देखिएपछि विभिन्न आइसोलेसनमा राखिएको थियो ।
यो सङ्गै बाँकेमा कोरोना संक्रमणबाट निको हुनेको संख्या १ हजार ६ सय २ पुगेको छ ।

विभिन्न आइसोलेसन केन्द्रमा अन्य जिल्लाका १३ सहित ४ सय २७ जना सक्रिय संक्रमित उपचाररत छन् । बाँके जिल्लामा हालसम्म कोरोनाबाट संक्रमितको संख्या २ हजार ३६ रहेको छ भने २० जनाको कोरोनाका कारण मृत्यु भईसकेको छ ।