बाँके कार्तिक ७ गते ।
नेपालगञ्ज उपमहानगपालिका वडा नं.२ मा रहेको होटल मदरल्याण्डले आजदेखि आफ्नो सेवा सुरु गरेको छ । वडादशैंको अवसरमा आज फुलपातीको दिन पारेर मदरल्याण्डले सेवा सुरु गरेको हो । करिव ४० लाखको लगानीमा होटल सञ्चालनमा ल्याईएको संचालकले बताउनुभयो । नेपालगञ्ज उपमहानगपालिकाका नगर प्रमुख डा धवल शम्सेर राणाले होटलको उद्घाटन गर्नुभयो ।
उद्घाटन कार्यक्रममा बोल्दै मेयर रानाले नेपालगन्जमा होटलहरु खुल्नु सबैको लागि राम्रो भएपनि सेवालाई गुणस्तरिय बनाउन सुझाव दिनुभयो । उहाँले होटल खोल्ने ठूलो कुरा नभएपनि यसले प्रवाह गर्ने कुरा महत्वपूर्ण र चुनौतिपूर्ण रहेको बताउनुभयो ।
दशैंको अवसर पारेर संचालन भएको उक्त होटल ग्राहकमैत्री बनोस भन्ने उहाँको शुभकामना रहेको थियो । होटल मदरल्याण्डका सञ्चालक दानबहादुर बुढाले गत बर्ष नै सञ्चालनमा ल्याउनका लागि तयारी गरिएको भए पनि होटललाई सजावट र व्यवस्थित बनाउने कार्यमा कोरोना माहामारीका कारण अबरोध भएकोले ढिलाई भएको जानकारी दिनुभयो ।
गत बैशाख मै सञ्चालनमा आउने गरी तयारीमा रहेको सो होटल कोभिड–१९ का कारण ढिलो गरी सञ्चालनमा आएको हो । नेपालगञ्जको धम्बोझी चोक नजिकै घरबारीटोलमा रहेको सो होटलमा १८ वटा वातानुकुलित कोठा, पार्किङ्गको राम्रो सुविधाका साथै विवाह पार्टी, सेमिनार, गोष्ठि लगाएतका सामुहिक कार्यका लागि हलको समेत व्यवस्था रहेको सञ्चालक बुढाले बताउनुभयो ।
होटलमा नियमित खाना र विषेश खानामा च्याङ्गग्राको मासु, थकाली खानासेट र जुम्लाको अर्गानिक खानाका साथै बस तथा जाहाजको टिकट काट्ने सुविधादिइने संचालकको भनाइ छ ।
Discussion about this post