बाँके कार्तिक २१ गते ।
उपचारकालागि बाँके आएका थप एक कोरोना संक्रमितको ज्यान गएको छ । बिहिबार राती भेरी अस्पताल नेपालगन्जमा उपचारकै क्रममा लमही नगरपालिका-१० दाङका ६४ बर्षीय पुरुषको मृत्यु भएको हो ।
स्वास्थ्यमा समस्या देखिएपछि ती पुरुषले गएको १३ गते राप्ती स्वास्थ्य विज्ञान प्रतिष्ठान घोराहीमा स्वाव दिएका थिए । त्यसको भोलिपल्ट रिपोर्ट पोजेटिभ आएको थियो । उनलाई त्यसैदिन कोरोना विशेष अस्पताल बेलझुण्डीमा भर्ना गरेर उपचार सुरु गरिएको थियो । तर अवस्थामा सुधार नआएपछि उनलाई १९ गते भेरी अस्पतालमा ल्याएर भर्ना गरिएको थियो ।
स्वास्थ्य अवस्था थप खस्कदै गएका उनको उपचारकै क्रममा बिहिबार राती ९ बजे मृत्यु भएको बाँकेका कोरोना फोकलपर्सन नरेश श्रेष्ठले जानकारी दिए । योसँगै बाँकेमा बाहिरी जिल्लाबाट उपचारका क्रममा आएका २४ जना कोरोना संक्रमितको मृत्यु भएको छ ।
ADVERTISEMENT
Discussion about this post