खजुरामा सुरु भयो मेयर रनिङ शिल्ड प्रतियोगिता

सम्बन्धित समाचार

बाँके फागुन २८ गते ।
बाँकेको खजुरा गाउँपालिकामा तेस्रो मेयर रनिङ शिल्ड प्रतियोगिता शुक्रबारदेखि सुरु भएको छ । खजुरा ४ मा रहेको जनकल्याण माध्यमिक विद्यालय, बद्रिपुरमा शुक्रबार प्रदेश सांसद बाबुराम गौतम र गाउँपालिकाका अध्यक्ष किस्मतकुमार कक्षपतिले प्रतियोगिताको उद्घाटन गर्नुभयो ।

प्रतियोगिता चैत १ गतेसम्म सञ्चालन हुने भएको छ । प्रतियोगिताको उद्घाटनमा विभिन्न सांस्कृतिक झाँकी तथा विद्यालयको मार्चपास भएको छ । प्रतियोगितामा विभिन्न विद्यामा खेलकुदका कार्यक्रम हुने छन् ।

उद्घाटन कार्यक्रममा बोल्दै प्रदेशसभा सदस्य गौतमले खेलकुद मानव स्वास्थ्यका लागि पनि महत्वपूर्ण हुने बताउनुभयो । त्यस्तै पालिका प्रमुख कक्षपतिले खजुरालाई खेलुकदबाट चिनाउन जरुरी रहेको बताउनुभयो । उहाँले खेलकुदको क्षेत्रमा पालिकाले ठूलो लगानी लगाएको पनि उल्लेख गर्नुभयो ।