बाँके चैत १० गते ।
बालिका तथा युवा शशक्तिकरण परियोजना अन्तर्गत बाँकेको खजुरामा नागरिक समाज, सरकारी निकाय र युवा सञ्जालबीच पैरवी संवाद कार्यक्रम सम्पन्न भएको छ ।
प्लान नेपाल र बी ग्रुपको साझेदावरीमा यो कार्यक्रम सम्पन्न भएको हो ।
खजुरा गाउँपालिकाका उपाध्यक्ष एकमाया विकको सभापतित्वमा भएको कार्यक्रममा बोल्ने सहभागीहरुले बालिका तथा युवा शशक्तिकरणका लागि स्थानीय सरकारले जोड दिनुपर्ने बताए ।
बालिका, तथा युवा र स्थानीय सरकारबीचको समन्वय र सहकार्यबाट मात्रै बालिका तथा युवा अधिकार स्थापित हुने भन्दै त्यो मनोवृत्ति सबैमा हुन जरुरी रहेको अधिकारकर्मी प्रकाश उपाध्यायले बताउनुभयो ।
उहाँका अनुसार संवादकै माध्यमबाट हरेक समस्याको समाधान निस्कने उहाँको तर्क छ । कार्यक्रममा सहभागी बालिकाहरुले समानता र समावेशीतालाई स्थानीय सरकारले कार्यान्वयन गर्न नसकेको गुनासो सुनाए । उनीहरुले बालिकाहरुको आवाजपनि सुन्नु पर्ने बताए ।
लक्ष्मी खत्रीले सहजिकरण गरेको संवाद कार्यक्रममा बोल्दै पालिकाका उपाध्यक्ष एकमाया विकले बालिका तथा युवा शशक्तिकरणका लागि पालिकाले प्राथमिकताका साथ काम गरेको बताउनुभयो । उहाँले उनीहरुकै सहभागीतामा नीति तथा कार्यक्रमहरु तयार पार्ने गरिएको जानकारी दिनुभयो ।
कार्यक्रममा खजुरा गाउँ पालिका वडा नम्बर ४ का वडा अध्यक्ष तिलबिर सुनार, खजुरा गाउँ पालिका वडा नम्बर ३ का वडा अध्यक्ष कतुराम गौतम,खजुरा गाउँ पालिकाको अधिकृत मणिराम खरेल, शिक्षा शाखाका निरमल रेग्मी, स्वास्थ्य शाखाका सुदिप पौडेललगायतले बोल्नुभएको थियो ।
Discussion about this post