बाँके वैशाख १२ गते ।
बाँके जिल्लामा कोरोना संक्रमण अत्याधिक मात्रामा बढ्दै गइरहेको र कोरोनाका कारण सिकिस्त विरामीको संख्या पनि बढिरहेको छ ।
यस्तो अवस्थामा अस्पतालमा समेत अक्सिजनको अभाव भैरहेको खबर आइरहेका बेला संयुक्त बजार अनुगमन टोलीले आज बाँके जिल्लामा रहेको यस क्षेत्रकै ठुलो एच. ओ. अक्सिजन इन्डष्ट्रिजको अनुगमन गरेको छ ।
दैनिक ११ सय सिलिन्डर अक्सिजन ग्यास उत्पादन गर्ने क्षमता रहेको उद्योगले हाल दैनिक रुपमा ६ सय सिलिन्डर अक्सिजन ग्यास उत्पादन गर्ने गरेको छ । अस्पतालहरुबाट ४ सय सिलिन्डरको माग आउने गरेकोमा माग बमोजिम अक्सिजन ग्यास सिलिन्डर सहज रुपमा रुपमा आपूर्ति भैरहेको उद्योगले जानकारी गराएको अनुगमनमा सहभागी वाणिज्य, आपूर्ति तथा उपभोक्ता संरक्षण कार्यालय नेपालगन्जका सुचना अधिकारी देवीलाल चौलागाईले जानकारी दिनुभयो । अक्सिजनको अत्याधिक माग भैरहेको अहिलेको अत्यन्त जटिल समयमा नागरिकको जिउ ज्यानको सुरक्षालाई ध्यानमा राखेर उद्योगलाई पूर्ण क्षमतामा संचालन निर्देशन दिईएको सुचना अधिकारी चौलागाईले दिनुभयो ।
आजको अनुगमनमा वाणिज्य आपूर्ति तथा उपभोक्ता संरक्षण कार्यालय, नेपालगंजका प्रमुख – कृष्ण प्रसाद पौड्याल, नेपालगंज उपमहानगरपालिकाकाका अधिकृत दिपेन्द्र श्रेष्ठ, अधिवक्ता एवं उपभोक्ता हित संरक्षण मंच बाँकेका अध्यक्ष बसन्त गौतम लगायतको सहभागिता रहेको थियो ।
Discussion about this post