कोरोनाको उच्च जोखिममा रहेका विपन्न परिवारलाई युनेस्कोद्धारा बाख्रा वितरण

बाँके बैशाख २२ गते ।
बाँके युनेस्को क्लबले बर्दिया जिल्लाको ठाकुरबाबा नगरपालिका ५ का अतिविपन्न तथा कोरोनाको उच्च जोखिममा रहेका परिवारलाई आर्थिक उन्नतीका लागि बुधवार बाख्रा वितरण गरेको छ ।
प्लान नेपालको सहयोगमा बर्दियामा सञ्चालित कोभिड १९ पुर्नस्थापना तथा जिविकोपार्जन परियोजना अन्तर्गत ठाकुरबाबा नगरपालिका ५ का अतिविपन्न तथा कोरोनाको उच्च जोखिममा रहेका ८ परिवारलाई बाख्रा पालनका लागि प्रति परिवार तीनवटा बाख्रा वितरण गरिएको बाँके युनेस्को क्लबका संरक्षक प्रवेज अली सिद्दिकीले बताउनुभयो ।

उहाँले ठाकुरबाबा र मधुवन नगरपालिकाका १५५ अति विपन्न परिवारलाई बाख्रा वितरण गर्ने योजना अनुसार वितरण शुरु गरिएको बताउनुभयो ।
बुधवार शुरु गरिएको सो वितरण अन्तर्गत ठाकुरबाबा ५ का वडा अध्यक्ष गंगाराम जैसीले एक छोटो कार्यक्रममा उक्त वडाका ८ परिवारलाई बाख्रा वितरणको शुभारम्भ गर्नुभयो ।

सो अवससरमा स्थानीय प्रहरी चौकीका इन्चार्ज हरि बहादुर, वडा पशु शाखाका प्रमुख उमेश थारु र बाँके युनेस्को क्लबका कार्यकारी निर्देशक रवि तुलाधरले पनि विपन्न परिवारलाई बाख्रा वितरण गर्नु भएको थियो ।
उक्त अवसरमा बोल्दै ठाकुरबाबा ५ का वडा अध्यक्ष जैसीले यस्तो संकटको बेला अति विपन्न तथा कोरोनाको उच्च जोखिममा रहेका परिवारलाई बाँके युनेस्को क्लबले प्लानको सहयोगमा बाख्रा वितरण गरेर ठुलो गुन लगाएको बताउनुभयो ।

उहाँले अब यी तनि बाख्राबाट धेरै बाख्रा उत्पादन गरि आर्थिक रुपमा सुदृढ हुने पालो बाख्रा पाउनेहरुको भएको बताउनुभयो ।
कोभिड १९ पुर्नस्थापना तथा जिविकोपार्जन परियोजना अन्तर्गत ठाकुरबाबा नगरपालिकाका वडा नम्बर ३, ४ र ५ तथा मधुवन नगरपालिकाका वडा नम्बर १ र २ का गरेर १५५ परिवारलाई आर्थिक समृद्धिका लागि बाख्रा वितरण गरिने परियोजनाका कार्यक्रम संयोजक गोविन्द लामिछानेले बताउनुभयो ।