खोजखबर संवाददाता
बाँके भदौ २९ गते। बाल दिवसकाे अवसरमा नरैनापुर गाउँपालिकाका अध्यक्षले गाउँपालिकाका कक्षा ११ मा अध्ययनरत ४० जना विद्यार्थीलाई पोशाक उपलब्त्र वितरण गरेका छन । गाउपालिकाका अध्यक्ष ईश्तियाक अहमद शाहले आफ्नो व्यक्तिगत खर्चमा नरैनापुरमा प्लस टुमा अध्ययनरत ती विद्यार्थीलाई पोशाक उपलब्ध गराएका हुन ।
नरैनापुरमा यो बर्षदेखि संचालनमा आएको एकमात्र उच्च शिक्षा पढाई हुने जयकिसान मावि नरैनापुर ६ का कक्षा ११ का विद्यार्थीलाई आज एक कार्यक्रमका बीच उक्त पोशाक वितरण गरिएको हो ।
वितरण गरिएको विद्यालय पोशाकमा ४० जना विद्यार्थीलाई पोशाक, टाई, बेल्ट रहेको छ । गाउँपालिका अध्यक्ष शाह र विद्यालय व्यवस्थापन समितिका अध्यक्ष बृजेन्द्रकुमार यादवले पोशाक वितरण गरे । गाउँपालिकाका अध्यक्षले व्यक्तिगत लगानीमा पोशाक वितरण गरेपछि विद्यार्थीले खुशी व्यक्त गरे । नरैनापुर गाउँपालिका शिक्षामा पछि परेको हुँदा यहाँको एकमात्र उच्च माविका कक्षा ११ मा पढ्ने विद्यार्थीलाई पोशाक वितरण गरिएको अध्यक्ष शाहले बताए । गाउँपालिकाकै एकमात्र उच्च मावि भएकोले आफूले विद्यालय र विद्यार्थीलाई प्राथामिकता दिएको उनको भनाई छ । यस्तै आफूले विद्यालयको भवन निर्माणका लागि गत बर्ष ३० लाख सहयोग गरेको, यो चालू बर्षमा विभिन्न पहलमा २ करोड ५० लाख बजेट विनियोजन गरेको उनले बताए ।
यस्तै बाल दिवसको अवसर पारेर जनकिसान माविमा आज विभिन्न जातीका एक हजार ५ सय विरुवा रोपिएको छ । रोपिएको विरुवामा लिप्टिस, सागवान र फुलहरु रहेको छ । जसको उद्घाटन गाउँपालिका अध्यक्ष ईश्तियाक अहमद शाहले गरे । विद्यालय हातामा उक्त विरुवा रोपिएको थियो । यस्तै बाल दिवसको अवसर पारि आजै जयकिसान मावि विद्यालयमा दौड प्रतियोगिता, हाजिरीजवाफ र सास्कृतिक कार्यक्रम पनि सम्पन्न भएको छ ।
Discussion about this post