बाँके असार १७ गते ।
पाटे बाघको छालासहित बाँके प्रहरीले दुई जनालाई पक्राउ गरेको छ । पक्राउ पर्नेमा मेललेख गाउँपालिका–३ का २७ वर्षीय डम्वर बुढा र रामारोशन गाउँपालिका–५ का ३५ वर्षीय नन्दु बुढा रहेका छन् ।
आज दिउँसो जिल्लाको बैजनाथ गाउँपालिका–४ तिलकपुरबाट उनीहरु पक्राउ परेको बाँकेका एसपी श्यामकृष्ण अधिकारीले जानकारी दिनुभयो ।
पाटेबाघको छाला ल्याइरहेको भन्ने सूचनाको आधारमा जिल्ला प्रहरी कार्यालयबाट प्रहरी निरीक्षक रविन्द्र खनालको नेतृत्वमा गएको प्रहरीको टोलीले उनीहरुलाई पक्राउ गर्न सफल भएको हो ।
पाटेबाघको दुई थान छालासहित पक्राउ परेका उनीहरुमाथि थप अनुसन्धान भइरहेको एसपी अधिकारीले बताउनुभयो । यसअघि पनि अस्ति बाँकेको कुसुमबाट चितुवाको छालासहित दुईजना पक्राउ परेका थिए ।
ADVERTISEMENT
Discussion about this post