बाँके साउन ५ गते ।
नेपालगन्जको जमुनाह नाकाबाट आज एकजना प्रतिबन्धित लागु औषध नाइट्रोभ्याट ट्याब्लेटसहित पक्राउ परेका छन् ।
नेपालगन्ज-१ धम्वोझिका २९ वर्षीय सौगात शाह पक्राउ परेका हुन् । रुपैडिहाबाट नेपालगन्जतर्फ आउँदै गरेका शाहको गतिविधि शंकास्पद देखिएपछि चेकजाँच गर्दा उनले लगाएको हाप पाइन्टको बायाँतर्फको गोजीमा तीन सय नाइट्रोभ्याड ट्याब्लेट फेला परेको प्रहरीले जनाएको छ । उनीमाथि थप अनुसन्धान भइरहेको पनि प्रहरीले जनाएको छ ।
जमुनाह इलाका प्रहरी र लागु औषध नियन्त्रण ब्यूरोको टोलीले लागु औषधीसहित शाहलाई नियन्त्रणमा लिएको इन्चार्ज सई पूर्णबहादुर खत्रीले बताउनुभयो । इलाका प्रहरी कार्यालय जमुनाहमा आजदेखि नै सई पूर्णबहादुर खत्री हाजिर भएका छन् ।
ADVERTISEMENT
Discussion about this post